У Вікіпедыі ёсць артыкулы пра іншых асоб з прозвішчам Лаўрыненка.
Наталля Пятроўна Лаўрыне́нка (нар. 30 сакавіка 1977, г. Крычаў, Магілёўская вобласць, БССР) — беларуская вяслярка. Майстар спорту Беларусі міжнароднага класу (1996). Заслужаны майстар спорту Беларусі (1997).
Скончыла ў 1999 годзе Магілёўскае вучылішча алімпійскага рэзерву. Бронзавы прызёр Алімпійскіх гульняў 1996 года ў Атланце (ЗША) у складзе васьмёркі з рулявой. 5-е месца на чэмпіянаце свету 1997 года(руск.) бел. ў Эгвебелеце(руск.) бел. (Францыя) у складзе чацвёркі парнай. Уладальніца Кубка свету (1999) і сярэбраны прызёр (1998) у складзе чацвёркі парнай. У 1994—2000 спартсмен-інструктар па акадэмічным веславанні Міністэрства спорту і турызму Рэспублікі Беларусь. З 2001 года метадыст-інструктар Магілёўскага вучылішча алімпійскага рэзерву.