Найджэл Эрнест Джэймс Мэнсел (англ.: Nigel Ernest James Mansell, нар. 8 жніўня 1953, Аптан-апан-Северн, Вустэршыр) — англійскі аўтагоншчык, чэмпіён свету па аўтагонках у класе Формула-1 1992 года. Тройчы віцэ-чэмпіён (1986, 1987, 1991). Першы аўтагоншчык ў гісторыі амерыканскай гоначнай серыі CART, які заваяваў тытул чэмпіёна ў першым жа сезоне. Удзельнічаў у 15 сезонах «Формулы-1» і ў двух сезонах серыі CART. За непадатлівасць на трасе і імкненне змагацца за перамогу да апошняга меў мянушку «Брытанскі Леў».