wd wp Пошук: ⬜

Міхаіл Уладзіміравіч Мішусцін

Міхаіл Уладзіміравіч Мішусцін (руск.: Михаил Владимирович Мишустин; 3 сакавіка 1966, Масква, СССР) — расійскі дзяржаўны дзеяч. Старшыня Урада Расійскай Федэрацыі з 16 студзеня 2020 года.

Кіраўнік Федэральнай падатковай службы Расійскай Федэрацыі (2010—2020).

Біяграфія

Нарадзіўся 3 сакавіка 1966 года ў Маскве ў сям’і вайскоўца. У 1989 годзе скончыў Маскоўскі станкаінструментальны інстытут. Па адукацыі — інжынер-сістэматэхнік.

У першыя гады пасля развалу СССР займаўся камп’ютарнымі тэхналогіямі, працаваў у «Міжнародным камп’ютарным клубе». У 1998 пераходзіць на працу Дзяржаўную падатковую службу. Доўгі час і пры розных міністрах быў намеснікам міністра па падатках і зборах. У ведамстве ён адказваў за інфарматызацыю. Папрацаваў кіраўніком Раснерухомасці, Федэральнага агенцтва па кіраванні асаблівымі эканамічнымі зонамі.

У 2008 годзе Міхаіл Мішусцін сыходзіць у прыватны сектар. Ён узначальвае кампанію UFG Capital Partners, якая належыць былому міністру фінансаў Расіі Барысу Фёдараву, менавіта яго памочнікам калісьці і ішоў працаваць ва ўрад Мішусцін. Пасля таго, як Фёдараў памёр, Мішусцін зноў вяртаецца на дзяржаўную службу[1].

6 красавіка 2010 года прызначаны кіраўніком Федэральнай падатковай службы Расійскай Федэрацыі.

15 студзеня 2020 года Прэзідэнт Расіі Уладзімір Пуцін вылучыў яго кандыдатуру на пасаду Старшыні Урада Расійскай Федэрацыі пасля адстаўкі Дзмітрыя Мядзведзева. 16 студзеня 2020 года Уладзімір Пуцін падпісаў указ аб прызначэнні Міхаіла Мішусціна на пасаду прэм’ера краіны.

Уласнасць і даходы

Па падліках выдання «Фонтанка.ру», з 2010 па 2018 гг., калі Міхаіл Мішусцін кіраваў падатковай службай, ён і яго жонка зарабілі амаль 1 млрд руб.[2] Па падліках Фонду барацьбы з карупцыяй, каля 800 млн з іх зарабіла яго жонка[3]. Па дадзеных «Адкрытых медыя», сям’я Мішусціна валодае 2,63 га зямлі ў падмаскоўным пасёлку «Катон Вэй», размешчаным на Міколінай гары на Рублёва-Успенскай шашы і 5 жылымі дамамі на іх, агульнай ацэначным коштам 1,5 млрд руб, аформленымі на «Расійскую Федэрацыю»[4].

Зноскі

↑ Дзеці вучыліся ў Швейцарыі, піша музыку для Лепса. Хто такі новы прэм’ер Расіі Міхаіл Мішусцін?
↑ Путин предложил назначить премьер-министром главного налоговика России Михаила Мишустина. “Фонтанка” рассказывает, кто он такой (руск.) . Фонтанка.ру (15 студзеня 2020). Праверана 19 студзеня 2020.
↑ Кого Мишустин возьмет в правительство и что об этом думает Кудрин (руск.) . BBC News (17 студзеня 2020). Праверана 19 студзеня 2020.
↑ «Открытые медиа»: семья премьер-министра Мишустина владеет 2,6 гектара земли на Николиной горе стоимостью 1,5 миллиарда рублей. В его декларации этого нет (руск.) . Meduza (17 студзеня 2020). Праверана 19 студзеня 2020.

Спасылкі

На Вікісховішчы ёсць медыяфайлы па тэме Міхаіл Уладзіміравіч Мішусцін