У Вікіпедыі ёсць артыкулы пра іншых асоб з прозвішчам Корзун. Міхаіл Сямёнавіч Корзун (нар. 10 жніўня 1935, в. Мышкавічы, Кіраўскі раён, Магілёўская вобласць) — беларускі гісторык. Доктар гістарычных навук (1996), прафесар (2008).
Скончыў Беларускі дзяржаўны ўніверсітэт (спецыяльнасць «Гісторыя», 1957), Ленінградскі дзяржаўны ўніверсітэт (аспірантура, спецыяльнасць «Усеагульная гісторыя», 1965).
Працаваў у Беларускім дзяржаўным універсітэце (гістарычны факультэт, кафедра гісторыі старажытнага свету і сярэдніх вякоў, прафесар).
Навуковыя інтарэсы: гісторыя Старажытнай Грэцыі і Старажытнага Рыма; культура і гістарыяграфія антычнасці; гісторыя Рускай праваслаўнай царквы (10 ст. — 2000 г.).