У Вікіпедыі ёсць артыкулы пра іншых асоб з прозвішчам Чудакоў.
Міхаіл Піліпавіч Чудакоў (нар. 25 лютага 1949, Мінск) — беларускі юрыст. Доктар юрыдычных навук (2010), прафесар (2004).
Скончыў Беларускі дзяржаўны ўніверсітэт (аддзяленне правазнаўства, 1972; аспірантура, 1977).
Працаваў у Канстытуцыйным Судзе Рэспублікі Беларусь (1996—1997, суддзя), Акадэміі кіравання пры Прэзідэнце Рэспублікі Беларусь (2000—2012, прафесар кафедры канстытуцыйнага права, у 2002—2012 — загадчык кафедры міжнароднага і параўнальнага права), Беларускім дзяржаўным універсітэце (1977—1996, 1997—2000 і з 2013, юрыдычны факультэт, кафедра канстытуцыйнага права, прафесар).
Навуковыя інтарэсы: канстытуцыйнае права; дыпламатычнае права. Пазапрафесійная дзейнасць: літаратурная творчасць (паэт, празаік, кінасцэнарыст).
Нагрудны знак «Выдатнік адукацыі» (2001).