У Вікіпедыі ёсць артыкулы пра іншых асоб з прозвішчам Хваткоў. Міхаіл Пятровіч Хваткоў (24 лістапада 1925, с. Гразнуха, цяпер Лугавое Ульянаўскай вобласці — 25 чэрвеня 1944, Бешанковіцкі раён) — Герой Савецкага Саюза (1945).
Скончыў 7 класаў. Працаваў у калгасе. Прызваны ў армію ў лютым 1943 года Ульянаўскім райваенкаматам.
Вызначыўся ў ходзе Віцебска-Аршанскай наступальнай аперацыі на тэрыторыі Беларусі пры фарсіраванні ракі Заходняя Дзвіна.
24 чэрвеня 1944 года пры фарсіраванні ракі Заходняя Дзвіна ў раёне вёскі Узрэчча (Бешанковіцкі раён) зрабіў плот і за суткі пераправіў 60 байцоў з баявой тэхнікай і боепрыпасамі, зваротнымі рэйсамі вывез 7 параненых. Загінуў на пераправе 25 чэрвеня 1944 года.
Званне Героя Савецкага Саюза прысвоена пасмяротна 24 сакавіка 1945 года[1].
Пахаваны ў брацкай магіле вёскі Узрэчча[2].