Міхаіл Васілевіч Машчанка (13 снежня 1940, Мікалаеў, Украіна — 2012) — беларускі фізіёлаг. Доктар біялагічных навук (1986), прафесар (1987).
Скончыў Растоўскі дзяржаўны педагагічны інстытут у Растове-на-Доне (спецыяльнасць «Біялогія і хімія», 1967; аспірантура, спецыяльнасць «Фізіялогія», 1969); Акадэмію педагагічных навук СССР (дактарантура, спецыяльнасць «Фізіялогія», 1985).
Працаваў у Магілёўскім дзяржаўным універсітэце імя А. А. Куляшова (факультэт фізічнага выхавання, кафедра анатоміі і фізіялогіі чалавека, прафесар, у 1983—2008 — загадчык кафедры, у 1986—1998 — прарэктар па навуковай рабоце).
Навуковыя інтарэсы: фізіялогія спорту; выкладанне біялогіі ў школе; узроставая фізіялогія; фізіялогія стрававання.