У Вікіпедыі ёсць артыкулы пра іншых асоб з прозвішчам Залашка.
Міхаіл Валянцінавіч Залашка (21 лістапада 1929, Грозны, Чачэнская аўтаномная вобласць, Паўночна-Каўказскі край, РСФСР — 2003) — беларускі мікрабіёлаг. Доктар біялагічных навук (1972), прафесар (1974). Кандыдат сельскагаспадарчых навук (1961).
Скончыў Маскоўская сельскагаспадарчая акадэмія імя К. А. Ціміразева (1953; аспірантура, 1961).
Працаваў у Усесаюзным навукова-даследчым інстытуце масларобнай і сыраробнай прамысловасці (г. Угліч; 1954—1965); Інстытуце мікрабіялогіі НАН Беларусі (з 1965, загадчык лабараторыі).
Навуковыя інтарэсы: біятэхналогія і фізіялогія мікраарганізмаў. Заснавальнік навуковай школы фізіялогіі дражджавых арганізмаў.