У Вікіпедыі ёсць артыкулы пра іншых асоб з прозвішчам Нікольскі.
Міхаіл Аляксандравіч Нікольскі (нар. 4 верасня 1935, с. Сількавічы, Барацінскі раён, Калужская вобласць, Расія) — урач-траўматолаг-артапед. Кандыдат медыцынскіх навук (1972), прафесар (1991).
Скончыў Смаленскі дзяржаўны медыцынскі інстытут (1961).
Працаваў у Новасібірскім медыцынскім інстытуце (1966—1975), Віцебскім дзяржаўным медыцынскім універсітэце (1975—2015, прафесар кафедры траўматалогіі, артапедыі і ваенна-палявой хірургіі, у 1984—1992 — загадчык кафедры, з 1981 — дэкан па рабоце з замежнымі студэнтамі, у 1989—1997 — дэкан лячэбнага факультэта, 1997—2001 — прарэктар па вучэбнай рабоце).
Навуковыя інтарэсы: хірургія пашкоджванняў і захворванняў пазваночніка; эндапратэзаванне шыйкі бядра; магнітатэрапія.
Ордэн Пашаны (2000), нагрудныя знакі «Выдатніку аховы здароўя» (1978), «За выдатныя поспехі ў галіне вышэйшай адукацыі» (1984) і інш.