У Вікіпедыі ёсць артыкулы пра іншых асоб з прозвішчам Ліс. Міхаіл Аляксандравіч Ліс (нар. 2 мая 1939, в. Бяляўшчына, Ваўкавыскі раён, Гродзенская вобласць) — беларускі ўрач-кардыёлаг. Доктар медыцынскіх навук (1982), прафесар.
Скончыў Мінскі дзяржаўны медыцынскі інстытут (спецыяльнасць «Лячэбная справа», 1962), Гродзенскі дзяржаўны медыцынскі інстытут (аспірантура, 1967).
Працаваў у Васілішкаўскай ўчастковай бальніцы, Шчучынскі раён, Гродзенская вобласць (1962—1963, галоўны ўрач); Дубноўскай ўчастковай бальніцы, Мастоўскі раён (1963—1964, галоўны ўрач); Гродзенскім дзяржаўным медыцынскім універсітэце (1967—2019; лячэбны факультэт, кафедра прапедэўтыкі ўнутраных хвароб, прафесар, у 1986—2012 — загадчык кафедры).
Навуковыя інтарэсы: клінічная вітаміналогія; стан кіслародтранспартнай функцыі крыві, дысфункцыі эндатэлія; энергазабяспечанасць міякарда; распрацоўка дыферэнцыраванай медыкаментознай і немедыкаментознай тэрапіі хворых стэнакардыяй, інфарктам міякарда, артэрыяльнай гіпертэнзіяй.
Значок «Отличник здравоохранения СССР», медаль «Ветэран працы», званне «Ганаровы доктар Гродзенскага дзяржаўнага медыцынскага ўніверсітэта» і інш.