У гэтага паняцця ёсць і іншыя значэнні, гл. Пацук (значэнні). Міха́сь Пацу́к (1950, Перароўскі Млынок[1], Жыткавіцкі раён Гомельскай вобласці — 2004) — беларускі спявак. Заслужаны артыст Рэспублікі Беларусь[2].
Нарадзіўся ў вёсцы Перароўскі Млынок у шматдзетнай сям’і. Скончыўшы васьмігодку, паступіў у культпрасветвучэльню, а пасля на акцёрскае аддзяленне Тэатральна-мастацкага інстытута. Пасля трэцяга курсу пайшоў працаваць у Дзяржаўны народны хор БССР.
Валодаў каларытным тэнарам. Быў салістам ансамбляў «Харошкі», «Вяселле», «Свята», мастацкім кіраўніком ансамблю «Радавод». Збіраў беларускі фальклор.
Забіты рабаўнікамі яго кватэры. Рабаўнікамі былі знаёмы музыканта і два ягоныя паплечніка. Злачынцы грошай не знайшлі, але забралі з сабой тэхніку і тэлефон з вызначальнікам. Пазней іх пасадзілі на 25, 23 і 12 гадоў турмы адпаведна.