«Мітчэлы супраць машын» (англ.: The Mitchells vs. the Machines) — амерыканскі анімацыйны фільм студыі Sony Pictures Animation 2021 года. Пераможца прэміі «Эні» (2021) у намінацыі «Найлепшы анімацыйны поўнаметражны фільм».
Дзяўчына-падлетак Кэці Мітчэл заўсёды лічыла, што бацькі не разумеюць яе захапленняў — рабіць дзіўныя фільмы пра ўсё вакол, у тым ліку пра мопса-паліцыянта з сямейным гадаванцам у галоўнай ролі. Таму калі яна паступіла ў кінашколу на іншым канцы краіны, шчасцю не было мяжы. Кэці не магла дачакацца, калі ж яна нарэшце сядзе ў самалёт і паляціць да людзей, якія разумеюць яе, але кіраўнік сямейства вырашыў па-свойму. Татка Мітчэл задумаў арганізаваць сямейную паездку, і цяпер Кэці прыйдзецца ў кампаніі бацькоў, малодшага брата і мопса дабірацца да ВНУ на машыне. І ў разгар іх вандроўкі штучны інтэлект раптам пачынае паўстанне машын.