wd wp Пошук: ⬜

Мікалай Янавіч Азараў

У Вікіпедыі ёсць артыкулы пра іншых асоб з прозвішчам Азараў.

Мікалай Янавіч Азараў (17 снежня 1947, Калуга, Калужская вобласць, РСФСР) — украінскі палітычны і дзяржаўны дзеяч. Прэм’ер-міністр Украіны (2010—2014). Лідар Партыі рэгіёнаў Украіны. Дэпутат Вярхоўнай Рады Украіны некалькіх скліканняў.

Біяграфія

Нарадзіўся 17 снежня 1947 года ў Калузе.

Скончыў школу № 5 у Калузе са срэбным медалём. У 1971 годзе скончыў геалагічны факультэт Маскоўскага дзяржаўнага ўніверсітэта імя М. В. Ламаносава. У 1984 годзе пераехаў у Данецк, дзе да 1995 года — намеснік, дырэктар Украінскага дзяржаўнага навукова-даследчага і праектна-канструктарскага інстытута горнай геалогіі, геамеханікі і маркшэйдарскай справы. Прафесар кафедры геалогіі Данецкага нацыянальнага тэхнічнага ўніверсітэта.

У красавіку 1994 года абраны народным дэпутатам Украіны II склікання ад Пятроўскай выбарчай акругі Данецка. У 1995—1997 гадах быў кіраўніком Камітэта Вярхоўнай Рады Украіны па пытаннях бюджэту.

Займаў пасаду першага віцэ-прэм’ера і міністра фінансаў Украіны (двойчы — у 2002—2005 і ў 2006—2007, абодва разы ва ўрадзе Віктара Януковіча), быў кіраўніком дзяржаўнай падатковай адміністрацыі Украіны ў 1996—2002 гадах.

Паслядоўны прыхільнік стварэння Адзінай эканамічнай прасторы з Расіяй, Казахстанам і Беларуссю[3]

11 сакавіка 2010 года абраны Прэм’ер-міністрам Украіны.

23 красавіка 2010 года на чарговым з’ездзе аднагалосна абраны кіраўніком Партыі рэгіёнаў [4].

28 студзеня 2014 года падаў у адстаўку з пасады прэм’ер-міністра «з мэтай стварыць дадатковыя магчымасці для грамадска-палітычнага кампрамісу, дзеля мірнага ўрэгулявання канфлікту» ва Украіне[5].

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #1068888024 // Агульны нарматыўны кантроль — 2012—2016. Праверана 16 кастрычніка 2015.
↑ Mikolai Janowitsch Asarow // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
↑ Единое экономическое пространство спасет Украину от кризиса — депутат
↑ Николай Азаров возглавил регионалов
↑ http://www.kmu.gov.ua/control/uk/publish/article?art_id=247006435&cat_id=244274130

Папярэднік: Віктар Фёдаравіч Януковіч	в. а. Прэм’ер-міністра Украіны 7 снежня 2004 — 28 снежня 2004	Пераемнік: Віктар Фёдаравіч Януковіч
Папярэднік: Віктар Фёдаравіч Януковіч	в. а. Прэм’ер-міністра Украіны 5 студзеня 2005 — 24 студзеня 2005	Пераемнік: Юлія Уладзіміраўна Цімашэнка
Папярэднік: Юлія Уладзіміраўна Цімашэнка	Прэм’ер-міністр Украіны 11 сакавіка 2010 — 28 студзеня 2014	Пераемнік: Арсеній Пятровіч Яцанюк