Мікалай Уладзіміравіч Сенькін (22 снежня 1917, вёска Шчыпань, Рагнедзінскі раён, Бранская вобласць — 25 кастрычніка 1976) — адзін з кіраўнікоў партызанскага руху ў Брэсцкай вобласці.
З 1938 года служыў у Чырвонай Арміі. Удзельнік савецка-фінляндскай вайны 1939—1940 гадоў. Член КПСС з 1941 года. У партызанах з верасня 1942 года: камандзір узвода, начальнік штаба атрада, у ліпені 1943 — ліпені 1944 гадоў камандзір партызанскай брыгады імя П. К. Панамарэнкі. З 1944 года працаваў старшынёй Высокаўскага райвыканкама, у Брэсцкім аблвыканкаме.