У Вікіпедыі ёсць артыкулы пра іншых асоб з прозвішчам Гуль. Мікалай Мікалаевіч Гуль (нар. 1933, в. Сіўцы Пастаўскага раёна — 2006) — беларускі педагог, грамадскі дзеяч, Заслужаны настаўнік БССР.
Скончыў Беларускі дзяржаўны інстытут народнай гаспадаркі імя Куйбышава (1955).
Працаваў выкладчыкам Навапольскага сельскагаспадарчага тэхнікума, старшынёй планавай камісіі Пастаўскага райвыканкама. З 1960 года ў Ашмянскім раёне: выкладчык, намеснік дырэктара па вучэбнай частцы сельскагаспадарчага тэхнікума (1960—1967), лектар райкама партыі (1967—1976), галоўны дзяржаўны інспектар па закупках і якасці сельгаспрадукцыі. З 1966 года адказны сакратар райсавета ветэранаў.
Ганаровае званне «Заслужаны настаўнік БССР» прысвоена ў 1966 годзе. Узнагароджаны граматай Вярхоўнага Савета БССР (1972), медалямі.