У Вікіпедыі ёсць артыкулы пра іншых асоб з прозвішчам Забалоцкі.
Мікалай Аляксеевіч Забалоцкі (руск.: Никола́й Алексе́евич Заболо́цкий; 24 красавіка [7 траўня] 1903, Кізічаская слабада, Каймарская воласць, Казанскі павет, Казанская губерня — 14 кастрычніка 1958, Масква) — рускі савецкі паэт, перакладчык; член Саюза пісьменнікаў СССР. У 1938 годзе быў рэпрэсаваны. Рэабілітаваны пасмяротна 24 красавіка 1963 года. У Дзяржаўным выдавецтве Беларусі ў 1932 годзе выйшла яго кніга “Чырвоныя і сінія” (пераклад Пятруся Сквярнюка, малюнкі І. Ахрэмчыка).