У Вікіпедыі ёсць артыкулы пра іншых асоб з прозвішчам Бобрыкаў.
Мікалай Іванавіч Бобрыкаў (руск.: Николай Иванович Бо́бриков; 15 [27] студзеня 1839, Стрэльна — 4 [17] чэрвеня 1904, Гельсінгфорс) — расійскі ваенны і дзяржаўны дзеяч. Генерал-губернатар Фінляндыі і камандуючы войскамі Фінляндскай ваеннай акругі (1898—1904). Член Дзяржаўнага савета; генерал ад інфантэрыі (1897), генерал-ад’ютант (1898).
Быў вельмі непапулярны сярод фінскіх нацыяналістаў і рэвалюцыйна-ліберальнай грамадскасці Расіі ў сувязі з праводзімай ім «аб’яднаўчай» палітыкай; быў смяротна паранены ў Гельсінгфорсе тэрарыстам Яўгенам (Эйген) Шаўманам.