У Вікіпедыі ёсць артыкулы пра іншых асоб з прозвішчам Беразоўскі.
Мікалай Іванавіч Беразоўскі (нар. 10 жніўня 1947, в. Старына, Петрыкаўскі раён, Гомельская вобласць) — беларускі спецыяліст у галіне распрацоўкі, здабычы і абагачэння карысных выкапняў. Доктар тэхнічных навук (2004), прафесар (2007).
Скончыў Беларускі політэхнічны інстытут (спецыяльнасць «Тарфяныя машыны і комплексы», кваліфікацыя «Інжынер-механік», 1971).
Працаваў у Беларускім нацыянальным тэхнічным універсітэце (з 1971, факультэт горнай справы і інжынернай экалогіі, кафедра «Горныя машыны», загадчык кафедры), адначасова Беларускі інстытут правазнаўства (з 2006, кафедра лагістыкі і інфармацыйна-матэматычных дысцыплін, прафесар).
Навуковыя інтарэсы: здабыча і перапрацоўка арганагенных матэрыялаў.