У Вікіпедыі ёсць артыкулы пра іншых асоб з прозвішчам Гілмар. Мэры Гілмар (англ.: Mary Gilmore; 16 жніўня 1865, каля г. Гоўлберн, Новы Паўднёвы Уэльс — 3 снежня 1962, Сідней) — аўстралійская паэтэса. Захапіўшыся ідэямі сацыяліста-утапіста У. Лэйна, Гілмар удзельнічала ў заснаванні камуны «Новая Аўстралія» (1893-99) у Парагваі. На працягу 23 гадоў працавала ў прафсаюзнай газеце «Worker». Пісала пра жаночую і мацярынскую любоў, пра радасці і хваляванні сямейнага жыцця (зборнік «У сям’і і іншыя вершы», 1910). Паэтычныя зборнікі: «Гарачае сэрца» (1918), «Крытая павозка» (1925), «Дзікі лебедзь» (1930), «Пад Уілгамі» (1932), «За радзіму Аўстралію» (1945) і інш.