Мулу Нега Кахсай — эфіопскі навуковец і палітык, займае пасаду кіраўніка выканаўчай улады пераходнага ўрада Тыграя і федэральнага міністра навукі і адукацыі Эфіопіі[2]. У лістападзе 2020 года падчас канфлікту ў Тыграі Палата Федэрацыі прызначыла Мулу Негу замест Дэбрэцыана Гебрэмікаэля кіраўніком выканаўчай улады рэгіёну Тыграй[3]. У студзені 2021 года Мулу прапанаваў сваю адстаўку заявіўшы, што адміністрацыя не можа справіцца з сітуацыяй.
Мулу нарадзіўся 15 лістапада 1967 года[4]. Ён атрымаў доктарскую ступень ў Універсітэце Твэнтэ ў 2012 годзе з дысертацыяй пад назвай «Якасць і забеспячэнне якасці ў эфіопскай вышэйшай адукацыі: крытычныя праблемы і практычныя наступствы»[4]. Пасля Мулу працаваў асістэнтам прафесара ў Універсітэце Адыс-Абебы.
6 мая 2020 года стаў міністрам навукі і вышэйшай адукацыі Эфіопіі[2].
Падчас канфлікту ў Тыграі ў лістападзе 2020 года Мулу Нега быў прызначаны кіраўніком выканаўчай улады пераходнага ўрада Палатай Федэрацыі[3], каб замяніць Дэбрэцыана Гебрэмікаэля з НФВТ на пасадзе прэзідэнта рэгіёну. Згодна з Europe External Programme with Africa (EEPA), Мулу Негу падаў заяву аб адстаўцы ў канцы студзеня 2021 года, заявіўшы, што пераходная адміністрацыя не мае паўнамоцтваў рэагаваць на «цяжкае становішча народа Тыграя, які памірае ад голаду і пакутуе ад сэксуальнага дамагання замежных сіл»[5].
6 мая 2021 кіраўніком пераходнага ўрада Тыграя замест яго стаў заменены Абрахам Белай[6].
Мулу жанаты і мае траіх дзяцей.