Музей Уганды (англ.: The Uganda Museum) — музей, адкрыты ў 1908 годзе ў Кампале для збірання, вывучэння, дакументавання і экспанавання культурнай і гістарычнай спадчыны Уганды.
У экспазіцыі музея прадстаўлены прадметы археалагічнага, палеанталагічнага і гісторыка- этнаграфічнага характару. Музей адкрыты для наведвання штодня з 10 да 18 гадзін.
Музей адкрыўся ў 1908 годзе ў Храме сікхаў, размешчаным у Форце Лугарда на старым ўзгорку Кампалы. У 1941 годзе музей пераехаў у Школу прыгожых мастацтваў Макерэрэ. У 1954 годзе - чарговы пераезд, на цяперашняе месцазнаходжанне на ўзгорку Кітантэ.
У 2011 годзе ўзнікла пытанне магчымага зносу будынка музея і будаўніцтва на яго тэрыторыі 60-павярховага гандлёвага цэнтра, у якім два паверхі маглі б быць вылучаныя для музея. Гэтыя планы выклікалі ва ўгандыйскай грамадскасці глыбокую занепакоенасць, якая, у першую чаргу, звязана з тым, што пры падобных працах можа быць незваротна страчана істотная частка гістарычнай спадчыны.