Мортэн Петэр Мельдаль (дацк.: Morten Peter Meldal; нар. 16 студзеня 1954) — дацкі хімік, прафесар хіміі ў Капенгагенскім універсітэце[7]. Найбольш вядомы дзякуючы распрацоўцы рэакцыі азід-алкінавага цыкледалучэння[8][9] адначасова, але незалежна ад Валерыя Фокіна і Карла Бары Шарплеса[10]. У 2022 годзе поруч з Каралін Бертоцы і Шарплесам быў уганараваны Нобелеўскай прэміяй у галіне хіміі за паляпшэнне таргетынгу супрацьракавых прэпаратаў, базуючыся на выкарыстанні клік-хіміі і біяартаганальных рэакцый[11][12]. Было адзначана, што навуковец заклаў аснову для функцыянальнай формы хіміі, званай клік-хіміяй, у якой малекулярныя будаўнічыя блокі хутка і эфектыўна злучаюцца[9].