Мелвін Эліс Калвін (англ.: Melvin Ellis Calvin; 8 красавіка 1911, Сент-Пол, Мінесота, ЗША — 8 студзеня 1997, Берклі, штат Каліфорнія, ЗША) — амерыканскі біяхімік, член Нацыянальнай акадэміі навук у Вашынгтоне. Замежны член Лонданскага каралеўскага таварыства, ганаровы член многіх замежных акадэмій навук і таварыстваў. Лаўрэат Нобелеўскай прэміі па хіміі (1961).
Нарадзіўся ў яўрэйскай сям’і эмігрантаў Розы Гервіц і краўца Эліяса Калвіна. Скончыў Мічыганскі каледж горнай справы і тэхналогіі (1931). З 1937 кіраўнік хімічнага аддзела, з 1947 года прафесар Каліфарнійскага ўніверсітэта ў Берклі.