У Вікіпедыі ёсць артыкулы пра іншых асоб з прозвішчам Дуглас.
Мелвін Дуглас (англ.: Melvyn Douglas; сапр. імя — Мелвін Эдуард Хесельберг (англ.: Melvyn Edouard Hesselberg), 5 красавіка 1901 — 4 жніўня 1981) — амерыканскі акцёр
, двухразовы лаўрэат прэміі «Оскар», уладальнік «Залатога глобуса», а таксама двух зорак на Галівудскай Алеі Славы: за ўклад у развіццё кінаіндустрыі — 6423, і за ўклад у развіццё тэлебачання — 6601.
Яго бацька — піяніст і кампазітар Эдуард Рыгоравіч Хесельберг (1870—1935), вучань Антона Рубінштэйна — быў яўрэйскім эмігрантам з Рыгі (тады Ліфляндская губерня); маці, Ліна Прысіла (Лена Прысцыла) Шэкелфард (1868—1961) — ураджэнка Тэнэсі, дачка генерала ад інфантэрыі Джорджа Талафера Шэкелфарда (1837—1942).