Медыцынскі ўніверсітэт імя Караля Марцінкоўскага ў Познані (польск.: Uniwersytet Medyczny im. Karola Marcinkowskiego w Poznaniu) — польская дзяржаўная вышэйшая навучальная ўстанова са статусам універсітэта і спецыялізацыяй у сферы медыцынскіх навук, якая знаходзіцца ў Познані.
Традыцыі медыцынскай адукацыі ў Познані пачынаюцца ў 1919 годзе, калі лекарскія курсы арганізоўвае Познаньскае таварыства сябраў навук, якія у 1920 годзе становяцца асобным факультэтам Пазнаньскага ўніверсітэта. Лячэбны і фармацэўтычны факультэты гэтага ўніверсітэта ў 1950 годзе ўтвараюць самастойную вышэйшую навучальную ўстанову - Медыцынскую акадэмію ў Познані. У 1984 годзе акадэміі нададзена імя Караля Марцінкоўскага - польскага лекара, грамадскага дзеяча і філантропа першай паловы ХІХ стагоддзя. У 2007 годзе вучэльня атрымала сучасную назву.