wd wp Пошук: ⬜

Медумскія гусі

Медумскія гусі, Гусі з Медума — вядомая жывапісная сцэна з афарбаванай тынкоўкі, якая паходзіць з грабніцы егіпецкага прынца Нефермаата, якая знаходзіцца ў мастабе 16 у Медуме. У цяперашні час закансерваваны арыгінал фрыза знаходзіцца ў Каірскім музеі. Дакладная копія маецца таксама ў Брытанскім музеі [1].

Гісторыя

Прыкладнай датай стварэння фрыза з’яўляецца 2550 да н. э.

Сцэна была знойдзена ў 1871 годзе Агюстам Марыетам(руск.) бел. і Луіджы Васалі(англ.) бел.. Яна была часткай вялікай сцэны ворыва, сяўбы і палявання. Фрэска была знята вучонымі са сцяны, каб быць перанесенай у музей.

Асаблівасцю гэтай карціны з’яўляецца не толькі яе высокае дэталёвае адлюстраванне птушак, але таксама ўнікальнасць яе тэхнікі ва ўсім старажытным Егіпце.

Апісанне

Памеры фрыза 172 на 27 см[1]. На ім тэхнікай сухой фрэскі створаны вельмі рэалістычныя выявы гусей, якія з’яўляюцца сімвалам бога зямлі Геба.

Поўная сцэна адлюстроўвае шэсць гусей; тры паказаны злева, а тры — справа. Кожная група з трох гусей складаецца з адной гусі, якая харчуецца травой, паказанай з апушчанай галавой, і двух гусей з паднятымі галовамі.

Група з трох жывёл на самай справе прадстаўляе сабой шмат гусей, бо тры ўяўляе мноства ў егіпецкім пісьменстве. Іерогліфы для паняццяў «гусі»

і «качкі»

былі выкарыстаны для вызначэння агульнага паняцця «птушкі» і звязаны з рэлігійнай сімволікай, якая мусіць адагнаць зло і выклікаць адраджэнне[[2]](/Медумскія_гусі#cite_note-Egipto-2). У такой якасці яны неаднаразова былі выкарыстаны на карцінах у грабніцах.

Ёсць адрозненні ў апярэнні птушак, якія парушаюць агульную сіметрыю сцэны. Гэты прыклад егіпецкага жывапісу лічыцца шэдэўрам[3][4].

Мастацтва Старажытнага царства надавала самую пільную ўвагу дэталям раслін і жывёл, таму нават сёння магчыма ідэнтыфікацыя відаў гусей на фрызе. Дзве крайнія птушкі з’яўляюцца прадстаўнікамі віду гусь-гуменніца (Anser fabalis), пара злева ставіцца да віду белалобая гусь (Anser albifrons), а пара справа — да віду чырвонаваллёвая казарка (Branta ruficollis)[5]. Трэба аддзначыць, што гусь-гуменніца (Anser fabalis) і чырвонаваллёвая казарка (Branta ruficollis) не сустракаюцца ў Егіпце.

Медумскія гусі створаны кропкавай тэхнікай, кожная выява створана з мноства каляровых плям, пры гэтым фігуры гусей выглядаюць уражальна натуральнымі і жывымі. Для дасягнення эфекту глыбіні, гусі намаляваны парамі, а невыразныя зялёныя расліны з чырвонымі кветкамі дапаўняюць карціну птушак, якія пасвяцца на беразе сажалкі[1].

Звяртаюць на сябе ўвагу натуральныя колеры, атрыманыя нанясеннем фарбы на сухую тынкоўку[2].

Спрэчкі пра магчымую фальсіфікацыю

У даследаванні 2015 года, зробленым італьянскім егіптолагам Франчэска Тырадрыці (Francesco Tiradritti) з універсітэта Карэ ў Эне(руск.) бел. і апублікаваным на сайце LiveScience(англ.) бел., падаецца меркаванне, што Медумскія гусі з’яўляюцца падробкай XIX стагоддзя, магчыма, створанай уласнаруч Васалі(англ.) бел.[6][7][4]. Прэтэнзіі Тырадрыці былі ў хуткім часе адхілены Захі Хавасам і іншымі вядомымі егіптолагамі[4].

Зноскі

1 2 3 Alegre García, Susana (2007). «Las ocas de Meidum Архівавана 4 сакавіка 2016.»
1 2 Las ocas de Meidum (нявызн.) (недаступная спасылка). Egipto, tierra de Faraones (2007). Архівавана з першакрыніцы 12 чэрвеня 2013. Праверана 24 снежня 2015.
↑ Tiradritti,F. (editor), Egyptian Treasures from the Egyptian Museum in Cairo. Harry N. Abrams Inc. 1999, pp. 60-61, ISBN 0-8109-3276-8
1 2 3 El-Aref, Nevine. Controversy over the Meidum Geese (нявызн.) (April 9, 2015). Праверана 20 снежня 2015. Архівавана 18 лютага 2018.
↑ P.H. Houlihan: The Birds of Ancient Egypt, El Cairo, 1992, pp. 57 y 60-62.
↑ Owen, Jarus. Shocking Discovery: Egypt’s ‘Mona Lisa’ May Be a Fake (нявызн.) (March 31, 2015).
↑ http://news.discovery.com/history/art-history/egypts-mona-lisa-may-be-a-fake-150401.htm Архівавана 31 кастрычніка 2015.

Літаратура

Patrick F. Houlihan: The Birds of Ancient Egypt. The American University in Cairo Press, Kairo 1988, S. 57-62, ISBN 977-424-185-1.
Amenta, Alessia (2005). I tesori del Museo egizio del Cairo. Ed. White Star.

Спасылкі

Ученые: древнеегипетская «Мона Лиза» может быть фальшивкой (руск.)