Маёта
Маёта (фр.: Mayotte, Collectivité départementale de Mayotte) — востраў, які належыць Францыі, размешчаны ў Каморскім архіпелагу ў Індыйскім акіяне, на захадзе ад Мадагаскара. Атрымаў статус заморскай супольнасці Францыі. Сталіца — горад Мамудзу.
Складаецца з галоўнага вострава Гранд-Тэрэ, меншага Пеціт-Тэрэ і некалькіх невялікіх астравоў.
Гісторыя
- У 1500 годзе на астравах заснаваны султанат Маорэ, ці Маўці (французы перайначылі ў Маёта).
- 1503 год — на востраў высадзіліся партугальцы.
- 1832 год — астравы заваяваныя мадагаскарскім каралём, а ў 1833 адваяваныя суседнім султанатам Мвалі, з 1835 года перайшлі султанату Ндзувані, але ў 1836 атрымалі незалежнасць.
- У 1843 годзе ўвесь архіпелаг стаў французскай калоніяй.
- У 1966 годзе, пасля атрымання Каморскімі астравамі незалежнасці, Францыя адмовілася перадаць ім востраў, дзе размяшчалася іх ваенна-марская база. Правёўшы рэферэндум, на якім большасць насельніцтва Маёты выказалася супраць далучэння да Каморскіх астравоў, Францыя прадаставіла Маёце статус сваёй заморскай супольнасці.
Геаграфія
Плошча астравоў складае 374 км². Галоўны востраў, Гранд-Перэ, з геалагічнага пункту гледжання самы стары з Каморскага архіпелага, працягласцю 39 км, шырынёй 22 км. Самай высокай кропкай з’яўляецца гара Бенара (660 м). Вулканічная глеба дастаткова ўрадлівая, каралавыя рыфы, якія абкружаюць астравы, забяспечваюць астравы рыбай. Клімат экватарыяльны, марскі.
Зноскі
Спасылкі
На Вікісховішчы ёсць медыяфайлы па тэме Маёта
Катэгорыя·Астравы Індыйскага акіяна
Катэгорыя·Дэпартаменты Францыі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Астравы паводле алфавіта
Катэгорыя·Тэрыторыі, залежныя ад Францыі