Ма́ціца — рака ў Мёрскім і Шаркаўшчынскім раёнах Віцебскай вобласці Беларусі, левы прыток ракі Дзісна (басейн Заходняй Дзвіны).
Даўжыня ракі 27 км. Плошча вадазбору 117 км². Сярэдні нахіл воднай паверхні 1,4 м/км. Пачынаецца за 1 км на паўднёвы захад ад вёскі Смолеўцы Мёрскага раёна, цячэ па паўднёва-заходняй частцы Полацкай нізіны, вусце за 0,6 км на поўдзень ад вёскі Саварына Шаркаўшчынскага раёна. Рэчышча ад вытоку на працягу 7 км каналізаванае. Прыток — Ручай (правы).