У Вікіпедыі ёсць артыкулы пра іншых асоб з прозвішчам Беляніцкі. Мацвей Захаравіч Беляніцкі (26 студзеня 1909, г. Магілёў — 17 сакавіка 1990) — беларускі жывапісец.
Скончыў у 1930 годзе Віцебскі мастацкі тэхнікум, у 1942 годзе Маскоўскі мастацкі інстытут імя В. Сурыкава.
Працаваў пераважна ў галіне тэматычнай карціны і пейзажа. Асноўныя работы: «Фашысцкая грабармія на Беларусі» (1942), «Пасля вызвалення ад акупантаў» (1950), «Першы арышт Я.Коласа» (1960), «Пасля вайны. Размініраванне» (1961), «Паўстанне сялян. 1905 год» (1968); лірычныя пейзажы «Вясна прыйшла» (1943), «Мосцік» (1946), «Мінск. Бульвар Шаўчэнкі» (1974), «Сенакос» (1975), «Восень» (1977), «Вясёлка» (1982), серыя «Белавежская пушча» (1958—1963). Пісаў таксама нацюрморты, партрэты сучаснікаў.