wd wp Пошук: ⬜

Мацвей Захаравіч Беляніцкі

У Вікіпедыі ёсць артыкулы пра іншых асоб з прозвішчам Беляніцкі. Мацвей Захаравіч Беляніцкі (26 студзеня 1909, г. Магілёў — 17 сакавіка 1990) — беларускі жывапісец.

Біяграфія

Скончыў у 1930 годзе Віцебскі мастацкі тэхнікум, у 1942 годзе Маскоўскі мастацкі інстытут імя В. Сурыкава.

Творчасць

Працаваў пераважна ў галіне тэматычнай карціны і пейзажа. Асноўныя работы: «Фашысцкая грабармія на Беларусі» (1942), «Пасля вызвалення ад акупантаў» (1950), «Першы арышт Я.Коласа» (1960), «Пасля вайны. Размініраванне» (1961), «Паўстанне сялян. 1905 год» (1968); лірычныя пейзажы «Вясна прыйшла» (1943), «Мосцік» (1946), «Мінск. Бульвар Шаўчэнкі» (1974), «Сенакос» (1975), «Восень» (1977), «Вясёлка» (1982), серыя «Белавежская пушча» (1958—1963). Пісаў таксама нацюрморты, партрэты сучаснікаў.

Літаратура

Беляніцкі Мацвей Захаравіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1996. — Т. 3: Беларусы — Варанец. — 511 с. — 10 000 экз. — ISBN 985-11-0068-4 (т. 3), ISBN 985-11-0035-8.