Матыльніцы (Psychodidae) — сямейства насякомых падатраду даўгавусых атраду двукрылых. Дробныя камарыкі (даўжыня 1-4 мм), якія нагадваюць мініяцюрных начных матылькоў. Каля 2867 відаў у 115 родах у сусветнай фаўне[1].
Распаўсюджаныя па ўсім зямным шары; у СНД каля 200 відаў, галоўным чынам на поўдні.
Лічынкі жывуць у гнілых раслінных рэштках, некаторыя ў вадзе. Ёсць сінантропныя віды, якія насяляюць у вільготных памяшканнях, напрыклад у ванных пакоях і падвалах. Вядомыя мірмекафільныя віды: Trichomyia myrmecophila, Quatiella truncata, Trichomyia annae, Lutzomyia texana, Nemapalpus mopani, Alepia longinoi.
Найстаражытныя прадстаўнікі сямейства вядомыя з ранняй юры Германіі, прадстаўнікі сямейства адзначаны таксама ў крэйдавых ліванскім і бірманскім бурштынах.