Маскалёва — возера ў Пастаўскім раёне Віцебскай вобласці Беларусі ў басейне ракі Галбіца (Заражанка), за 26 км у напрамку на паўночны ўсход ад горада Паставы, прыкладна за 0,8 км на паўднёвы ўсход ад вёскі Харкі.
Плошча паверхні возера 0,1 км². Даўжыня 0,58 км, найбольшая шырыня 0,28 км, даўжыня берагавой лініі 1,4 км. Плошча вадазбору 2,25 км².
Катлавіна возера выцягнутая ў напрамку з поўначы на поўдзень. Схілы катлавіны спадзістыя, вышынёй да 2 м. Берагавая лінія слабазвілістая. Берагі нізкія. Возера зарастае нязначна. У паўночнай частцы выцякае ручай у раку Заражанка (Галбіца).