wd wp Пошук: ⬜

Мары-Хелен Эстлунд

У Вікіпедыі ёсць артыкулы пра іншых асоб з прозвішчам Эстлунд.

Мары-Хелен Эстлунд, народжаная Вестын (шведск.: Marie-Helene Östlund; нар. 14 мая 1966, Салефтэа) — шведская лыжніца, чэмпіёнка свету, пераможца этапаў Кубка свету. Жонка вядомага шведскага лыжніка Эрыка Эстлунда.

У Кубку свету Эстлунд дэбютавала ў 1986 годзе, у лютым 1987 года атрымала сваю першую перамогу ў індывідуальнай гонцы на этапе Кубка свету. Агулам у індывідуальных гонках мае на сваім рахунку 2 перамогі на этапах Кубка свету. Лепшым дасягненнем Эстлунд у агульным выніковым заліку Кубка свету з’яўляюцца 2-е месца ў сезоне 1987/88.

На Алімпіядзе-1988 у Калгары паказала наступныя вынікі: 7-е месца ў гонцы на 5 км класікай, 8-е месца ў гонцы на 10 км класікай, 10-е месца ў гонцы на 20 км каньком і 6-е месца ў эстафеце.

На Алімпіядзе-1992 у Альбервілі стала 9-й у гонцы на 5 км класікай, 6-й у гонцы пераследу, 10-й у гонцы на 15 км класікай, 7-й у гонцы на 30 км каньком і 7-й у эстафеце.

На Алімпіядзе-1994 у Лілехамеры заняла 17-е месца ў гонцы на 15 км каньком, 12-е месца ў гонцы на 30 км класікай і 6-е месца ў эстафеце.

За сваю кар’еру прымала ўдзел у пяці чэмпіянатах свету, на якіх заваявала 1 залаты, адзін сярэбраны і два бронзавыя медалі.

Зноскі

↑ Olympedia — 2006.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх