Марыя Мікалаеўна Самонава (нар. 3 чэрвеня 1978, Гомель) — беларуская гісторык.
Скончыла Гомельскі дзяржаўны ўніверсітэт імя Ф. Скарыны па спецыяльнасці «Гісторыя. Замежная мова (англійская)» у 2000 годзе, магістратуру ў 2009 годзе, аспірантуру пры Рэспубліканскім інстытут вышэйшай школы (2012). Займалася навукова-даследніцай працай ў Стакгольмскім універсітэце. Абараніла дысертацыю «Скандинаво-славянские связи на белорусских землях в IX—XIII вв. (по письменным источникам)» (навуковы кіраўнік А. В. Мартынюк), кандыдат гістарычных навук (2014).
З 2004 года выкладчык факультэта даўніверсітэцкай падрыхтоўкі, кафедры даўніверсітэцкай падрыхтоўкі і прафесійнай арыентацыі ГДУ імя Ф. Скарыны. Выкладае гісторыю Беларусі і іншыя гістарычныя і грамадазнаўчыя дысцыпліны слухачам падрыхтоўчага аддзялення. Складальніца навучальных праграм, лекцый, тэкстаў. Дацэнт (2020).
Навуковыя зацікаўленасці — гісторыя Беларусі IX—XIII ст.; Полацкае княства; гісторыя старажытнай Русі, гісторыя старажытнай Скандынавіі; эпоха вікінгаў, старажытнаскандынаўскія пісьмовыя крыніцы, методыка выкладання гісторыі ў вышэйшай школе.