Ма́рцін Мак-До́нах (англ.: Martin McDonagh, MWCD[en] /mək-DUN-ə/[3]) — брытана-ірландскі кінарэжысёр, сцэнарыст, прадзюсар і драматург. Аўтар дзевяці п’ес і пастаноўшчык трох поўнаметражных кінастужак — «У Бругэ» (2008), «Сем псіхапатаў» (2012) і «Тры білборды за межамі Эбінга, Місуры» (2017). Лаўрэат прэміі «Оскар» у намінацыі «Найлепшы кароткаметражны гульнявы фільм» («Шасцізараднік»).
Марцін Мак-Донах нарадзіўся ў 1970 годзе ў раёне Камбервэл (англ.: Camberwell) у Лондане ў ірландскай сям’і. Яго бацькі — будаўнік і прыбіральніца — з’ехалі ў Голуэй, адкуль быў родам бацька, а Марцін і яго брат Джон (англ.: John Michael McDonagh) засталіся ў Лондане, дзе па дасягненні шаснаццаці гадоў пачалі атрымліваць дапамогу па беспрацоўі.
Джон спрабаваў стаць пісьменнікам. Першыя два дзясяткі радыёп’ес і сцэнарыяў, напісаных ім, не былі прыняты рэдакцыямі. Але ў 1997 годзе прыйшоў поспех: п’еса «Каралева прыгажосці з Лінена», напісаная летась за восем дзён, была пастаўлена на Брадвеі і, апроч вядомасці, прынесла аўтару тэатральныя прэміі «Evening Standard» і «Тоні».
Адзіны ў свеце Міжнародны фестываль Марціна Мак-Донаха праводзіцца з 2014 года ў Пермі (Расія) тэатрам «Каля Моста» (мастацкі кіраўнік Сяргей Фядотаў)[4].
З 2018 года ў адносінах з актрысай Фібі Уолер-Брыдж[5].
| Прэмія | Год | Фільм | Катэгорыя | Вынік |
|---|---|---|---|---|
| «Оскар» | 2006 | «Шасцізараднік» | Найлепшы кароткаметражны фільм | Перамога |
| 2009 | «У Бругэ» | Найлепшы арыгінальны сцэнарый | Намінацыя | |
| 2018 | «Тры білборды за межамі Эбінга, Місуры» | Найлепшы фільм | Намінацыя | |
| Найлепшы арыгінальны сцэнарый | Намінацыя | |||
| «Залаты глобус» | 2018 | «Тры білборды за межамі Эбінга, Місуры» | Найлепшы рэжысёр | Намінацыя |
| Найлепшы сцэнарый | Перамога | |||
| BAFTA | 2005 | «Шасцізараднік» | Найлепшы кароткаметражны фільм | Намінацыя |
| 2009 | «У Бругэ» | Найлепшы брытанскі фільм | Намінацыя | |
| Найлепшы арыгінальны сцэнарый | Перамога | |||
| 2013 | «Сем псіхапатаў» | Найлепшы брытанскі фільм | Намінацыя | |
| 2018 | «Тры білборды за межамі Эбінга, Місуры» | Найлепшы фільм | Перамога | |
| Найлепшы брытанскі фільм | Перамога | |||
| Найлепшы рэжысёр | Намінацыя | |||
| Найлепшы арыгінальны сцэнарый | Перамога | |||
| «Выбар крытыкаў» | 2018 | «Тры білборды за межамі Эбінга, Місуры» | Найлепшы рэжысёр | Намінацыя |
| Найлепшы арыгінальны сцэнарый | Намінацыя | |||
| «Незалежны дух» | 2013 | «Сем псіхапатаў» | Найлепшы сцэнарый | Намінацыя |
| 2018 | «Тры білборды за межамі Эбінга, Місуры» | Найлепшы сцэнарый | Намінацыя | |
| «Спадарожнік» | 2018 | «Тры білборды за межамі Эбінга, Місуры» | Найлепшы арыгінальны сцэнарый | Перамога |
| «Сатурн» | 2013 | «Сем псіхапатаў» | Найлепшы сцэнарый | Намінацыя |
| «Сезар» | 2019 | «Тры білборды за межамі Эбінга, Місуры» | Найлепшы замежны фільм | Намінацыя |
| «Давід дзі Данатэла» | 2019 | «Тры білборды за межамі Эбінга, Місуры» | Найлепшы замежны фільм | Намінацыя |
| Венецыянскі кінафестываль | 2017 | «Тры білборды за межамі Эбінга, Місуры» | Залаты леў | Намінацыя |
| Залатая Азела за найлепшы сцэнарый | Перамога | |||
| Прэмія Гільдыі рэжысёраў ЗША | 2018 | «Тры білборды за межамі Эбінга, Місуры» | Найлепшы рэжысёр | Намінацыя |
| Прэмія Гільдыі прадзюсараў ЗША | 2018 | «Тры білборды за межамі Эбінга, Місуры» | Найлепшы фільм | Намінацыя |