У Вікіпедыі ёсць артыкулы пра іншых асоб з прозвішчам Максімовіч. Марк Максімо́віч (22 чэрвеня 1974, Гродна, БССР) — беларускі мастак, сябра Беларускага культурна асветніцкага цэнтра ў Познані. Займаецца жывапісам і выцінанкай. Заснавальнік майстроўні і галерэі «Марк Максімовіч Артэльер». Аўтар сімвала Беларускага культурна асветніцкага цэнтра ў Познані. Жыве і працуе ў Познані.
У 1989 пачаў навучанне ў Мінскім мастацкім вучылішчы імя Глебава, але ў 1992 адлічаны за «маляванне не па-беларуску». У тым жа годзе пераехаў у Польшчу, дзе скончыў Пазнаньскую акадэмію мастацтваў на аддзяленні жывапісу (1997). У Польшчы ўдзельнічаў у міжнародных пленэрах. Творы Максімовіча знаходзяцца ў прыватных калекцыях Беларусі, Польшчы, ЗША і г.д.
Кніжны дэбют адбыўся ў 2009 годзе. У выдавецтве «Белы Крумкач» выйшла кніга «Вечны Каляндар», з ілюстрацыямі Марка Максімовіча. Выданне змяшчае выцінанкі аўтара.