Марк Кермад (англ.: Mark Kermode; нар. 2 ліпеня 1963) — англійскі кінакрытык і сябар Брытанскай акадэміі кіно і тэлевізійных мастацтваў. Працуе з часопісам «Sight & Sound[en]», газетай «The Observer[en]» і «BBC Radio 5 Live», дзе вядзе перадачу «Kermode and Mayo’s Film Reviews[en]» разам з Сайманам Маё.
Меркаванне Кермада аб фільмах часта не супадае з грамадскім. Да прыкладу, яму не спадабаліся ўсе часткі «Піратаў Карыбскага мора[en]», тры часткі «Трансформераў[en]» і сага «Зорныя войны», якую ён апісаў як вульгарную інфантылізацыю змрочнага жанру сур’ёзнай навуковай фантастыкі, на якой ён вырас[2]. Ён таксама выказваў сваю незадаволенасць рэжысёрам Крысам Каламбусам, назваўшы яго «рэжысёрам-бухгалтарам», і даў негатыўныя адзнакі першым двум фільмам пра Гары Потэра, якія той рэжысіраваў. Аднак ён прызнаўся, што апошнія фільмы яму пачалі падабацца[3]. Кермад таксама не хавае свайго непрымання 3D-фільмаў, асабліва трэнду падгонкі звычайных фільмаў да 3D[4].
У верасні 2013 года ён быў прызначаны галоўным крытыкам «The Observer[en]»[5].
У апытанні «Sight & Sound[en]» на спіс найлепшых фільмаў Кермад абраў наступныя 10 карцін: «Бразілія», «Лабірынт фаўна», «Д’яблы[en]», «Экзарцыст[en]», «Гэтае цудоўнае жыццё», «Мэры Попінс[en]», «Сёмая пячатка[en]», «Вочы без твару[en]», «А цяпер не глядзі[en]», «Лесвіца ў неба[en]»[6].