Малінаклён[3] (Rubus subg. Anoplobatus) — падрод дрэвавых раслін роду Маліна (Rubus) сямейства Ружавыя (Rosaceae).
Прамыя кусты, шыпы адсутнічаюць. Лісце простае, суцэльнае, пальчата-лопасцевае, лопасці вострыя, аснаванне сэрцападобнае. Прылісткі ланцэтныя, зрослыя з хвосцікам.
Кветкі двухполыя, буйныя, адзіночныя або сабраны ў нешматкветкавыя гронкі або шчыткі; чашалісцікаў 5, яйкападобныя, завостраныя; пялёсткаў 5, ружовыя ці белыя, распасцёртыя; тычынкі і песцікі шматлікія, кветаложа плоскае або злёгку выпуклае; слупкі булавападобныя, лычык слаба двухлопасцевыя.
Плод — цёмна-чырвоная або аранжавая шматкасцянка, якая аддзяляецца ад кветаложа.
Падрод Малінаклён уключае 4 віды[4].