Мало́е Свято́е — возера ў Сенненскім раёне Віцебскай вобласці, за 11 км на захад ад горада Сянно, на ўсход ад вёскі Замошша, у басейне ракі Свячанка.
Плошча паверхні 0,11 км². Даўжыня 0,4 км, найбольшая шырыня 0,35 км. Даўжыня берагавой лініі 1,22 км. Плошча вадазбору 1,25 км².
Размешчана сярод меліяраванага балота. Схілы невыразныя, берагі забалочаныя. Выцякае ручай у раку Свяча. З-за торфараспрацовак значна змялела.