Майкл Рубенс Блумберг (англ.: Michael Rubens Bloomberg; нар. 14 лютага 1942 года, Бостан, Масачусетс, ЗША) — амерыканскі прадпрымальнік, 108-ы мэр Нью-Ёрка (2002—2013). Уваходзіць у лік самых багатых людзей свету па версіі Forbes, на 5 мая 2018 гады ён займаў 11-е месца з 50,4 млрд долараў.
З’яўляецца заснавальнікам і ўладальнікам інфармацыйнага агенцтва Bloomberg, аднак заявіў пра гатоўнасць прадаць сваю медыйную кампанію, заснаваную ім каля 40 гадоў таму, у выпадку абрання прэзідэнтам ЗША. У 2020 годзе актыўна вёў выбарчую кампанію, спрабуючы стаць кандыдатам у прэзідэнты ЗША ад Дэмакратычнай партыі, але 4 сакавіка 2020 года прыняў рашэнне выйсці з гонкі, зняць сваю кандыдатуру і падтрымаць Джо Байдэна.