Ляхавіцкі дзяржаўны аграрны каледж — навучальная ўстанова ў г.Ляхавічы.
Заснаваны 12 жніўня 1957 года як ветэрынарны тэхнікум. З 1969 года — Ляхавіцкі саўгас-тэхнікум, з 1996 года — Ляхавіцкі сельскагаспадарчы тэхнікум. Навучанне вядзецца па 4 спецыяльнасцях: ветэрынарная медыцына (з 1957 года), заатэхнія (з 1967 года), агранамія (з 1968 года) і пладагародніназнаўства (з 1998 года).
У 2006 годзе ў якасці адасобленага структурнага падраздзялення быў далучаны да Баранавіцкага дзяржаўнага ўніверсітэта.