Люсьен Аліўе (фр.: Lucien Olivier, 1838, Масква — 14 лістапада 1883, Масква) — повар французскага паходжання (ураджэнец Масквы[2]), які трымаў у Маскве ў пачатку 1860-х гадоў рэстаран «Эрмітаж»; вядомы як стваральнік рэцэпту вядомай салаты, неўзабаве названай у гонар свайго стваральніка — «аліўе». Яе рэцэпт быў таямніцай, якую ён так і не выдаў да самай смерці[3].
Па дадзеных Гіляроўскага, Аліўе трымаў рэцэпт ў таямніцы, хоць асноўныя інгрэдыенты былі вядомыя. І як ні стараліся гурманы таго часу ўзнавіць яе ў дакладнасці, падобнай салаты ў іх не атрымлівалася. Гэта стала падставай для рознага роду легенд.
У 2008 годзе магіла Аліўе была выяўлена на Увядзенскіх могілках і адноўлена (12 уч.)[4].