Людвіг Майднер (ням.: Ludwig Meidner; 18 красавіка 1884, Бярутаў, Сілезія — 14 мая 1966, Дармштат) — нямецкі мастак і пісьменнік, прадстаўнік экспрэсіянісцкага кірунку ў мастацтве.
У 1901—1902 гадах вучыўся на муляра. У 1903—1905 гадах вучыўся ў імператарскай школе мастацтваў у Брэслаў (цяпер Уроцлаў). Пасля заканчэння пераязджае ў Берлін. У 1906—1907 гадах вучыўся ў Акадэміі Жуліяна і ў Акадэміі Кармон у Парыжы, сябраваў з Мадыльяні. У 1911 годзе — супрацоўнік часопіса Die Aktion. У 1912 годзе заснаваў сумесна з Янтур і са Штайнгардам мастацкую групу «Патэтыкі». У 1914 годзе член берлінскай групы «Свабодны сецэсіён». У 1916—1918 гадах — на фронце. У 1918—1921 гадах — член «Рабочага савета для мастацтва» і «Лістападаўскай групы». У 1924—1925 гадах выкладаў у Студыі-атэлье жывапісу і пластыкі ў Берліне. У 1935 годзе пераязджае ў Кёльн.
У 1937 годзе абвешчаны нацыстамі належачым да «дэгенератыўнага мастацтва», 84 яго карціны выдалены з нямецкіх музеяў і канфіскаваны. У 1939 годзе эмігрыруе ў Англію. У 1940—1941 гадах інтэрнаваны на востраве Мэн. У 1952 годзе вярнуўся ў Германію.