У Вікіпедыі ёсць артыкулы пра іншых асоб з прозвішчам Антанюк. Любоў Адамаўна Антанюк (28 красавіка 1949, в. Ломыш, Хойніцкі раён, Гомельская вобласць — 6 студзеня 2006) — беларускі мовазнавец, спецыяліст у галіне беларускага мовазнаўства. Доктар філалагічных навук (1992), прафесар (1997).
Скончыла Мазырскі дзяржаўны педагагічны інстытут імя Н. К. Крупскай (спецыяльнасць «Руская мова і літаратура», 1970).
Працавала ў Інстытуце мовазнаўства імя Я. Коласа АН БССР (з 1970), Беларускім дзяржаўным універсітэце (з 1991, філалагічны факультэт, кафедра сучаснай беларускай мовы, прафесар), Акадэміі кіравання пры Прэзідэнце Рэспублікі Беларусь (з 1998, кафедра беларусазнаўства, загадчык кафедры).
Навуковыя інтарэсы: лексікалогія, тэрміналогія, граматыка беларускай мовы.