wd wp Пошук: ⬜

Луі дэ Сільвестр

Луі дэ Сільвестр (фр.: Louis de Silvestre; 26 чэрвеня 1675, Со — 11 красавіка 1760, Парыж) — французскі мастак.

Жыццё і творчасць

Луі дэ Сільвестр быў малодшым сынам прыдворнага мастака і гравёра французскага караля Людовіка XIV Ізраэля Сільвестра. Першым настаўнікам малявання ў Луі быў ягоны бацька. Пазней ён, ужо юнаком, ён займаўся ў Каралеўскай акадэміі жывапісу і скульптуры ў Шарля Лебрэна і Бона Булоня Старэйшага. Яшчэ працуючы пад іх кіраўніцтвам, праславіўся добрым мастаком, а затым удасканальваўся ў Італіі, карыстаючыся парадамі Карла Мараці. Па вяртанні ў Парыж прадставіў у 1702 годзе мясцовай Каралеўскай акадэміі жывапісу міфалагічную карціну «Стварэнне чалавека» (цяпер у музеі Манпелье) і быў прыняты ў члены гэтай установы, а пазней (1706) абраны прафесарам.

У 1712 годзе Луі дэ Сільвестр прызначаны рэктарам Каралеўскай акадэміі ў Парыжы. У 1716 годзе ён прыязджае па запрашэнні курфюрста саксонскага і караля польскага Аўгуста Моцнага ў Дрэздэн, дзе затым жыве і працуе больш за 30 гадоў. У Саксоніі Луі дэ Сільвестр становіцца обер-мастаком Двара і атрымлівае дваранскую годнасць. Акрамя шматлікіх партрэтаў ён стварае дэкаратыўныя ўпрыгажэнні для шэрагу дрэздэнскіх палацаў і розных салонаў Цвінгера. У 1727 годзе Луі дэ Сільвестр становіцца дырэктарам дрэздэнскай Акадэміі мастацтваў.

Пасля вяртання ў Парыж у 1752 годзе ён атрымлівае пасаду рэктара Акадэміі жывапісу і займае гэтую пасаду да канца свайго жыцця.

Галерэя

Партрэт караля Аўгуста II ў польскім касцюме (1737), Дрэздэнская галерэя
Партрэт Катажыны Барбары Браніцкай з папугаем (1726), Нацыянальны музей у Кракаве
Партрэт каралеўны Марыі Амаліі Ветын у польскім касцюме (1738), Прада
Укрыжаванне Хрыста
Партрэт Эльжбеты Гелены Сіняўскай
Партрэт караля Аўгуста II
Апалон і Дафна
Партрэт караля Аўгуста III
Амур і Псіхея
Дыяна і спячы Эндыміён
Кароль Людовік XIV сустракае будучага караля Аўгуста III (1715)

Зноскі

1 2 RKDartists Праверана 23 жніўня 2017.
1 2 Louis Silvestre The Younger // Benezit Dictionary of Artists — 2006. — ISBN 978-0-19-977378-7 Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #122656849 // Агульны нарматыўны кантроль — 2012—2016. Праверана 13 жніўня 2015.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #122656849 // Агульны нарматыўны кантроль — 2012—2016. Праверана 25 чэрвеня 2015.
↑ artist list of the National Museum of Sweden — 2016. Праверана 28 лютага 2016.

Спасылкі

На Вікісховішчы ёсць медыяфайлы па тэме Луі дэ Сільвестр