Луіджы (англ.: Luigi) — персанаж відэагульняў, створаны дызайнерам Сігэру Міямота для кампаніі Nintendo. Звычайна паказваецца як малодшы брат афіцыйнага талісмана Nintendo, Марыа. Упершыню з’явіўся ў аркадзе Mario Bros., дзе ён быў адным з галоўных персанажаў, як і Марыа. Пачынаючы з яго дэбюту, Луіджы з’явіўся ў многіх гульнях разам з Марыа, часцей за ўсё суправаджаючы яго ў ролі альтэрнатыўнага гульнявога персанажа, але часам гуляў ролю галоўнага героя (у гульнях Mario Is Missing!, Luigi’s Mansion).
Першапачаткова Луіджы быў створаны як цалкам ідэнтычны Марыа персанаж, і іх можна было адрозніць толькі па колеры адзення: Луіджы заўсёды носіць зялёны камбінезон, а Марыа — чырвоны. Аднак, па меры выпуску новых гульняў і ўскладнення іх сюжэту, Луіджы стаў паўнавартасным персанажам, адрозным ад свайго брата і знешнім выглядам, і характарам.
У гульнях, дзе Луіджы — маляня, ён паказваецца як жудасны Плакса, але прыязны і вясёлы, а таксама трохі больш адважны, чым ён жа дарослы.
У мастацкім фільме 1993 года «Супербраты Марыа» характары Марыа і Луіджы памянялі месцамі. Луіджы там адчайны авантурыст, вечна шукае прыгодаў на сваю галаву, у той час як Марыа — наадварот, баязлівы прагматык-бурчун, якому прыходзіцца ісці за сваім няўрымслівым браткам і выцягваць яго з розных непрыемнасцей. Да ўсяго іншага, Луіджы, у выкананні Джона Легісама, спрэс пазбаўлены свайго характэрнага атрыбуту — вусоў.