Лецыдзе́я (Lecidea) — род накіпных лішайнікаў сямейства лецыдзеевых.
Слаявіна паверхневая, аднародная, гладкая, зярністая ці бародаўчатая шараватага колеру. Пладовыя целы чорныя, цвёрдыя, акруглыя з добра развітым краем, часта з чорным голым (іншы раз укрытым налётам) дыскам. Сумкі з 8 бясколернымі аднаклетачнымі спорамі. Размнажэнне пераважна сумкаспорамі.
Вядома сотні відаў, пашыраны ўсюды, найбольш ва ўмераным клімаце. На Беларусі каля 20 відаў, у т. л. лецыдзея бародаўчатая (Lecidea glomerulosa), лецыдзея дубовая (Lecidea quernea), лецыдзея бура-чорная (Lecidea fuscoatra) і інш. Трапляюцца на камянях, радзей на іншых субстратах.
Індыкатарныя расліны.