wd wp Пошук: ⬜

Лера Сом

У гэтага паняцця ёсць і іншыя значэнні, гл. Сом, значэнні. Лера Сом (сапраўднае імя — Алена Уладзіміраўна Сом; 12 жніўня 1966, Полацк) — беларуская паэтэса, бард. Член Саюза беларускіх пісьменнікаў (1998).

Біяграфія

Скончыла Віцебскі педагагічны інстытут. З 1989 года працуе настаўнікам у СШ № 5 г. Полацка (у дадзены час гэта СШ № 14 г. Полацка). У 1999 годзе скончыла завочнае аддзяленне філалагічнага факультэта БДУ. Адна з кіраўнікоў полацкага літаратурнага аб’яднання «Наддзвінне» (2001—2005). Жыве ў Полацку.

Творы

Паэтычныя зборнікі

«Блюз каралеўскай кухні» (1994)
«Адзінокая зорка» (1996)
«Там, на небе» (2000)
«Свабода Слова Зіма» (2005)
«Каралева прыйдзе ноччу» (2007)

Удзельніца шматлікіх фестываляў бардаўскай песні. У 2000 годзе выдала касету аўтарскіх песень «Genius Loci». Аўтар цыклу фантастычных апавяданняў «Некалькі гісторый з жыцця Руніты Магі» (1993), аповесці «Суполка Вогнішча» (2001)

Зноскі

Літаратура

Спрынчан А. В. Сом Лера (Алена Уладзіміраўна) // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 81. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.
Пісьменнікі Віцебшчыны. Даведнік. — Віцебск, 2001. — С. 80—81.