wd wp Пошук: ⬜

Ленінапад

Ленінапа́д — стыхійны дэмантаж або знос помнікаў Леніну. Атрымаў такую назву падчас Еўрамайдана ва Украіне.

Гісторыя

Першы выпадак зносу помніка Леніну ва Украіне зафіксаваны 1 жніўня 1990 года ў Чырванаградзе, Львоўская вобласць. У 1990-ых гадах у Галічыне і Валыні было дэмантавана каля 2000 помнікаў Леніну. На пачатку 2000-ых гадоў было дэмантавана каля 600 помнікаў Леніну, пераважна ў цэнтральных абласцях Украіны. З пачаткам Еўрамайдана ў 2013 годзе актывісты знеслі помнік Леніну на Бесарабскай плошчы ў Кіеве. Пачаўся стыхійны дэмантаж і ва ўсходніх абласцях Украіны. За 2014 год было знесена 552 манумента Леніну.

Ленінапад у Беларусі

Па меркаванні маскоўскага культаролага Зміцера Кудзінава, Беларусь — адзіная краіна на прасторы былога СССР, дзе помнікі Леніну пакуль не зносілі цэнтралізавана[1]. Але знос згаданых помнікаў паступова ўваходзіць у практыку. Напрыклад, 24 лютага 2015 года мінскія будаўнікі знеслі помнік Леніну ў ваенным гарадку Уручча, хоць гэты помнік не перашкаджаў будаўніцтву[2], але праз два месяцы гэты помнік быў ізноў усталяваны каля найбліжэйшай школы[3].

Гл. таксама

• Пушкінапад

Спасылкі

• Хэрсон: знос помніка Леніну ў цэнтры горада
• Від ленінізму до ленінопаду — Павло Подобєд, Український інститут національної пам’яті; Архівавана 5 сакавіка 2016. Першакрыніца: .
• 32 гарады і мястэчкі Беларусі, дзе больш няма помніка Леніну // «Радыё Свабода»

Заўвагі

1. ↑ За гады незалежнасці ў Беларусі стала на 200 помнікаў Леніну меней Архівавана 4 сакавіка 2016. // UDF.by, навіны
2. ↑ Будаўнікі ў Мінску скінулі помнік Леніну Архівавана 5 сакавіка 2016. // Хартыя'97, навіны
3. ↑ Ля школы ва Уруччы паставілі помнік Леніну // Наша Ніва

Тэмы гэтай старонкі (3):
Катэгорыя·Дэрусіфікацыя
Катэгорыя·Антыкамунізм
Катэгорыя·Еўрамайдан