Леанід Сямёнавіч Засценскі (1 верасня 1937; вёска Крапіўна, Аршанскі раён, Віцебская вобласць) — беларускі вучоны ў галіне лясной гаспадаркі. Доктар сельскагаспадарчых навук (1984 г.), прафесар (1986 г.). Скончыў Беларускі тэхналагічны ўніверсітэт (1962 г.). Навуковыя працы па агратэхніцы вырошчвання дрэвавых парод, ахоўных насаджэнняў, рэкультывацыі зямель, механізацыі лесагаспадарчай вытворчасці, глебава-экалагічнай ацэнцы тэхнагенных ландшафтаў.