Леанід Паўлавіч Ціхмянаў (17 лютага 1920, с. Залаткова, Новасакольніцкі раён, Пскоўская вобласць — 7 студзеня 1981, Тула) — Герой Савецкага Саюза (1944).
Член КПСС з 1944 года. У Чырвонай Арміі з 1940 года. На фронте з 1941 года. Камаддзір батарэі мінамётнага палка старшы лейтэнант Л. П. Ціхмянаў вызначыўся падчас вызвалення Лёзненскага раёна. 25 лютага 1944 года на плацдарме каля ракі Чарніца арганізаваў кругавую абарону батарэі, якая адбіла 4 варожыя контратакі.
Пасля вайны быў старшынёй Тульскага абласнога камітэта ДТСААФ[1].
Каля вёскі Осіпенкі яго іменем названа вышыня. У 1973 годзе на вышыні быў пастаўлены помнік.